ILOILO CITY–Ginkumpirma sang Punong Barangay sang Ticud, Lapaz ,Iloilo City nga yara sa Barangay Anti Drug Abuse  Council (BADAC) report ang magpakaisa nga Gobatanga nga napatay sa buybust operatuion sa San Jose, Antique.
Sa interview sang Bombo Radyo kay Punong Brangay Joel Jabonita sanga nasambit nga lugar, iya ginpahayag nga nga isa ka drug surrenderee sa ila barangay si Jeniffer Gobatanga apang wala nagpaidalom sa rehabilitation program.
Ginakabig nga drug user si Jennifer  kaupod sang iya pakaisa nga si Gayrell Gobatanga.
Ginpatawag man sang Punong Barangay ang duha agud nga pauntaton sa ila bisyo apang sang damlag lang namutikan sang opisyal nga masako naman ang pag-upod sang nmagpakaisa.
Ginkakibot nalang ni Jabonite sang mahibalu-an nga napatay sa drug operation ang magpakaisa.
Samtang, may yara sang nagsugat sa magpakaisabag-o sila naapatay sa ginpatigayon nga  buy bust operation sang Regional Drug Enforcement Unit (RDEU).
Gintu-ad ni Jabonita nga may yara sang nakakita nga ginpasakay sa itom nga  van sanday Gayrell kag Jennifer sang adlaw mismo sang sila ang ginpatay.
Ginsaysay sang Punong Barangay nga samtang yara sa Banuyaw creek ang magpakaisa sakay sa ila tricycle nga kalargahan sang baboy hinali lang nga ginpadulugan sang itom nga van ang duha kag ginpasakay.
Sunu sa opisyal, nabilin pa ang tricycle sang duha kag may yara lang sang nagdrive sang ila tricycle agud dal-on papauli.
Ginapatihan naman nga ang itom nga van ang ginsakyan sang magpakaisa padulong sa probinsya sang Antique.