Pilason ang magpakaduha nga naglabu-anay sa Brgy. Quipot Janiuay, Iloilo.
Ang biktima amo si Romy Casquete Ganancial, 48-anyos, kasado, samtang ang suspek amo si Alex Lavaro Armada, 44-anyos, lunsay mangunguma kag residente sang nasambit nga lugar.
Sa interview sang Bombo Radyo kay PSsg. Sanny Boone Deala, Imbestigador sang Janiuay Municipal Police Station, iya ginpahayag nga nag inom-inom ini sila pagkatapos sang ila ubra upod ang duha pa nila ka pakaduha.
Nagbaisay ang suspek kag ang isa pa nila ka upod kag ginsaway ini sang biktima, sang nagwa ini sa balay, hinali ini nga ginlabo sang suspek.
Nakaagum ini sang pilas sa iya agtang, sa kamot, kag iya dughan.
Nagbalos man ang biktima sa suspek kag nakaagum man ini sang pilas, apang nautod ang iya nga tudlo.
Lunsay nagapaayo sa Western Visayas Medical Center ang magpakaduha, kag nag desisyon nga indi nalang magpasaka sang kaso.
