Yara sa kritikal nga kondisyon ang mag-live in partner matapos nabungguan sang isa ka kotse sa atubang sang isa ka subdivision sa Barangay Dungon B, Jaro, Iloilo City.
Sa interview sang Bombo Radyo kay Police Master Sergeant Jeffrey Janay, imbestigador sa Jaro Police Station, iya ginpahayag nga ginamaneho sang isa ka Korean national ang kotse kag pasulod na kuntani sa subdivision sang natabo ang insidente.
Ang mga biktima naman ang natabuan nga nagatipon sa guwa sang balay bangud ginapahayag nga may birthday party sang amo nga tion.
Suno kay Janay, ginrason sang driver nga napiyungan ini rason nga nasalakay ang mga biktima.
Indi man matumod sang pulis kun hubog ang driver.
Na-damage ang una nga bahin sang salakyan. Gindala ang Korean national sa police station, samtang nagapabilin naman sa ospital ang mag-live in partner. ##
