Patay ang tatlo ka myembro sang isa ka pamilya samtang pilason naman ang isa pa matapos ginbungguan sang van ang ila ginasakyan nga motorsiklo sa Pola, Ori*ntal Mindoro.
Lunsay gindeklarar nga dead-on-arrival sa ospital ang 34-anyos nga asawa, bana nga 35-anyos kag ila nga anak nga 10-anyos.
Ang mga ini ang residente sang Barangay Pahilahan, Pola, Ori*ntal Mindoro.
Suno sa imbestigasyon, madasig ng dalagan sang van sang ginbungguan ang motorsiklo sang mga biktima.
Idul-ong kuntani sang bana ang iya asawa kag ila anak sa transport terminal padulong sa Calapan City sang natabo ang aksidente.
Padulong naman sa Socorro ang 39-anyos nga driver sang van agud sugaton ang iya nga asawa.
Base sa CCTV footage, madasig ang dalagan sang van sa aspaltado nga porsyon.
Sang amo nga tion, madanlog ang dalan bangud sa pag-ulan.
Naaresto na ang driver sang van kag mangatubang sang kaso nga reckless imprudence resulting in multiple homicide kag damage to property.
