ILOILO CITY – Sang bata pa kita, mahilig gid kita magdalagan.
Sang elementary kita, halos naga-require sang pagdalagan ang aton masami nga ginahampang.
Sa Ohio, isa ka anum ka tuig nga bata ang nagpasakop sa 26.2-mile running marathon upod sa iya ginikanan nga nag-ani sang madamo nga komento.
Ang mag-asawa nga Youtuber nga sanday Kami kag Ben Crawford ang nag-post sang video sa ila social media account nga nagpasakop sila sa Flying Pig marathon upod ang ila anum ka tuig nga bata.
Ang dalaganon nila ang naglawig sang walo ka oras kag 35 ka minutos kag ginkabig sang mga netizens nga isa ka torture para sa bata.
Nagpanugyan man ang mga medical experts nga tuman ka delikado para sa bata ang ginhimo sang pamilya bangud nga indi pa fully developed ang lawas sang bata.
Apisar sang mga pagpakamalaot, gin-insister sang mag-asawa nga ginpasugtan lamang nila nga magpasakop ang bata bangud nagapakitluoy ini nga mag-upod sa ila nga gilayon man nga ginkontra sang mga nag-upod sa marathon.
Suno sa iban, nagahibi na ang bata kag nagapakitluoy nga mag-untat apang ginapasalig sang ginikanan nga baklan sang potato chips ang bata sa tion nga matapos niya ang marathon.
Sa pihak sini, padayon man ang pagpakigbato sang mag-asawa nga wala sila sang kapaltahan sang pagpa-upod nila sang ila nga anak.
