Duguon ang tatlo ka myembro sang isa ka pamilya matapos malabuan sa isa ka videokehan sa Tabucan Mandurriao, Iloilo City.
Ang mga biktima amo sanday reymart sevilla, 17 anyos nga may pilas sa dughan, kamot kag paa; tiyo sini nga si Bennie Sevilla, 45 anyos nga may pilas sa agtang kag anak sini nga si Kevin Sevilla nga may pilas sa butkon.
Sunu kay Reymart, bangud sa tuman nga kahulugbon nagbais ang suspek nga si Paul Entregado kag ang biktima nga si Bennie Sevilla tubtub nga naglabu-anay.
Natukiban man nga may daan na sila nga hilibugt-anon
Ginsagang naman sang hinablos ni Bennie nga si Reymart ang binangon nga dala sang suspek rason nga napilasan man ini kag ang apin pa gid ang anak sang biktima nga si Kevin.
Sa subong padayon pa nga ginapangita sang mga otoridad ang suspek nga nagpalagyo sa wala mahibaluan nga lugar.