ILOILO CITY – Ginbuno sang magulang ang iya mismo nga manghod sa LaPaz, Iloilo City.
Ang biktima amo si Renato Danid, 20 anyos samtang ang magulang naman nga suspek amo si Charlie Danid lunsay residente sang Aglupakan, Tapaz, Capiz kag temporaryo nga nagatinir sa ila boarding house sa LaPaz.
Sa interview sang Bombo Radyo kay Police Senior Master Sergeant Alein Selda, imbestigador sang LaPaz PNP, nag inom-inom ang biktima kag iya pakaisa kag hubog man ang iya nga magulang.
Luyag kuntani nga idul-ong ni Renato ang iya nga pakaisa sa pagpauli apang indi siya pagpahanugutan sang iya nga magulang.
Ini gilayon ang nagtuga sang pagbinaisay sang mag-utod rason nga ginbuno ni Charlie ang iya nga manghod.
Pilas naman sa wala nga bahin sang lawas ang naangkon ni Renato kag gilayon nga gindala sa ospital.
Sa subong, padayon pa nga ginapangita sang LaPaz PNP ang suspek sa krimen pinaagi sahot pursuit operation.
