ILOILO CITY- Ginbawian gid sang kabuhi ang isa ka manghod matapos nga ginbuno sang iya magulang sa Bakhaw, Mandurriao, Iloilo City.
Ang biktima amo si Pio Jay Jabatan, 25 anyos samtang ang suspek naman amo si Eldrick Jabatan, 30 anyos.
Sa interview sang Bombo Radyo kay PMajor Mark Anthony Gesulga, hepe sang Mandurriao PNP, iya ginpahayag nga nagpauli sa ila balay ang hubog nga suspek kag pag-abot sini, nagbaisay sila sang iya manghud bangud sa charger.
Suno kay Gesulga, sa kainiton sang ila baisay, didto na kag ginbuno sang magulang ang iya manghud nga naigo sa dughan.
Gindala pa ini sa ospital apang ginbawian gid sang kabuhi.
Nakahunong na sa Mandurriao PNP ang suspek.
Wala naman sang plano nga magpasaka sang kaso ang pamilya.
