[Trigger Warning: Sensitive Content]
Utod gid ang tudlo kag nakakas ang isa ka dulunggan sang isa ka magulang matapos ginlabo sang iya manghod.
Natabo ini sa Sitio Talangban, Camaligan, Batan, Aklan sang Lunes, Agosto 18, 2025.
Ang biktima amo si Gilbert Abayon kag ang suspek naman amo si Carmelo Abayon.
Naggwa sa imbestigasyon nga nagainom sang makahulubog nga ilimnon ang mag-utod upod sa ila mga paryente sang nagbaisay ang mga ini.
Nagsumbaganay ang duha apang sang ulihi, nagkwa ang suspek sang binangon kag ginlabo ang biktima nga nagresulta sa pagkautod sang iya tudlo kag pagkakakas sang iya dulunggan.
Gin-aresto naman ang suspek kasunod sang insidente.
Gintahi naman sa ospital ang dulunggan sang biktima.
Ginpahayag nga indi na magpasaka sang kaso ang magulang batok sa iya manghod.
