ILOILO CITY–Patay ang magulang matapos ginbuno kag ginlabo sang iya duha ka mga manghod sa San Joaquin, Iloilo.
Ang biktima ang ginkilala kay Jose John Sandilantan, 44 anyos, samtang ang mga suspetsado naman ang ginkilala kanday Victor Sandilantan, 33 anyos kag Dalmacio Sandilantan,24 anyoskag pumuluyo sang Brgy. Taslan, San Joaquin, Iloilo.
Sa exclusive interview sang Bombo Radyo kay SPO1 Steve Francis Facto, imbestigador sang San Joaquin Municipal Police Station, iya ginpahayag nga ginsulong sang mga suspetsado ang biktima sa balay kag ginlabo sang ginunting.
Suno kay Facto, naakig  na ang mag-utod sa ila magulang bangud sa masami nga pagpanghangkat sang away sa tion nga mahubog.
Preso ang mag-utod nga suspetsado sa San Joaquin Municipal Police Station kag nagapangatubang sang nagakaigo nga kaso.