ILOILO CITY – Dako nga hu-ol para sa mga estudyante kag mga ginikanan sa Iloilo Central Elementary School ang kagutok sang trapiko sa syudad sang Iloilo.
Sa interview sang Bombo Radyo kay Dr. Susana Panganiban- Villa, Principal IV sang Iloilo Central Elementary School, iya ginpahayag nga kalabanan sa ila mga estudyante ang naghalin pa sa nagkalain-lain nga bahin sang syudad kag mangin sa pila ka banwa sang probinsya.
Suno kay Villa, ang kagutok sang trapiko ang nagahatag sang hu-ol sa mga learners kag mga ginikanan sa halos adlaw-adlaw nga tanan.
Samtang, kadungan sang pagbukas sang klase subong nga adlaw, halos 95% sang kabug-usan nga 2, 270 ang nag-eskwela.
Indi kaangay sang iban nga eskwelahan, wala sang may pagbaha-baha sa pila ka bahin sang eswelahan pagkatapos sang pila ka adlaw nga pag-ulan bangud nga ginasunod tinlo sang mga utility personnel.
