ILOILO CITY – Nagabaton na subong sang applications kag nominations para sa membership sang Board of Directors ang Maharlika Investment Corporation.
Sa isa ka advisory, ginpahayag sang Presidential Communications Office nga ang mga posisyon nga available amo ang mga masunod:
-President and Chief Operations Officer (PCEO)
-Regular Director
-Independent Director
Ang mga requirements kag qualifications ang nakalista sa Department of Budget and Management website.
Ang applications ang batunon tubtob sa Setyembre 27.
Mahimo man nga mapadala ang applications kag nominations sa maharlikasecretariat@treasury.gov.ph.
Ang Maharlika Investment Corporation ang isa ka government-owned company nga amo ang magadumala sang Maharlika Investment Fund, ang pondo nga kuhaon nagikan sa state-run financial institutions nga i-invest sa mga high-impact projects, real estate, kag financial instruments.
