PAVIA, ILOILO – Ginakwestyon ni Mayor Luigi Gorriceta kun paano nakapasar sa water quality test ang tuman ka lubog nga tubig nga gina-supply sang BP Waterworks, Inc. sa Deca Homes sa Pavia, Iloilo.
Ini ang kasunod sang pagreklamo sang homeowners association tuhoy sa mahigko nga tubig nga nagaguwa sa ila gripo.
Sa interview sang Bombo Radyo kay Gorriceta, iya ginpahayag nga binulan na ang reklamo sang mga residente sa nasambit nga subdivision apang wala pa sa gihapon maaktuhan sang water company.
Suno kay Gorriceta, nagbilin siya sa homewoners sang personal nga kwarta agud gastuhon para sa water quality test.
Ginpahayag ni Gorriceta nga mas makapaayo nga ang homeowners na lang ang magmatu-mato sa pagpatest sang tubig gikan sa ila gripo agud masigurado kun bala ini ang safe nga gamiton ukon indi.
Apektado suno sa alkalde ang Phase 1-3 sa nasambit nga subdivision.
