Nagpatigayon sang committee hearing in aide of legislation ang Iloilo City Council subong nga adlaw, Abril 6, may kaangtanan sa kontrobersyal nga pabulang nga ginpatigayon sang Rockwell Cockpit Arena sa Barangay Don Esteban, Lapuz, Iloilo City.
Sa interview sang Bombo Radyo kay Councilor Carlos ‘Jojo’ Javellana, ang chairman sang Committee on Games and Amusement, sa konseho iya ginpahayag nga may ara na sang order nga ginpagwa si Iloilo City Mayor Jerry Treรฑas may kaangtanan sa penalidad nga ihatag sa nasambit nga arena.
Apang suno kay Javellana, Holy Week na sang nagpagwa sang nasambit nga order ang alkalde gani wala pa niya nakuha ang kasulatan.
Nagapanindugan man si Javellana nga ang ginhimo nga bulang ang nagapakita sang indi pagtahod sa syudad kag sa mga pagsulundan sini kag nagakadapat lang nga manabat ang mga naglapas sa protocol.
