Malipayon nga ginpakigbahin sang aktres nga si Maja Salvador ang ila pagtambong sa misa ni Pope Leo XIV sang nagbisita sila sa Roma.
Kaupod ni Maja ang iya bana nga si Rambo Nuñez kag anak nga si Maria.
Nag-upod sila sa papal audience sa Vatican kag ginkuha ang amo nga oportunidad agud nga mapadalom pa ang spiritual journey paagi sa pagbisita sa balaan nga mga lugar sa Italya lakip na sa lulubngan ni Padre Pio, St. Peter’s Basilica, kag Basilica of St. Francis of Assisi.
Matandaan nga Mayo 31, 2024 sang ginbun-ag ni Maja si Maria sa Canada. Septyembre sang amo man nga tuig ginpatigayon ang baptismal ceremony.
Duha ka beses naman nga ginkasal ang prominent actress kag ang iya bana: isa sa civil ceremony sang February 2023, kag isa sa destination wedding sa Bali, Indonesia lima ka bulan ang makaligad matapos ang una nga kasal.
