Ginpakigbahin sang first-time mom nga si Maja Salvador nga diutayan lang siya nga magpaidalom sa operasyon bangud sa seryoso nga kumplikasyon kag severe blood loss sang tion nga nagbun-ag ini sang ila anak ni Rambo Nuñez.
Suno sa aktres, 30 ka oras ang iya labor kag 12 ka oras diri ang wala sang epidural ukon injection nga makapahagan-hagan sang sakit.
“…[Three] hours of pushing, [then] ended up having an episiotomy and forceps. Two contractions and seven pushes later, we finally welcomed our baby Maria,” pahayag sini sa isa ka Instagram post.
Halod dies minutos pa lang sang nakaguwa ang bata sang natabo ang natabo ang emergency bangud sa uterine inversion ukon ang seryoso nga kumplikasyon sa tion sang pagbun-ag. Kun indi ini gilayon madapatan sang treatment, ini nga kondisyon ang mahimo magresulta sa severe blood loss, shock, kag mahimo pa magresulta sa kamatayon.
Suno kay Maja, apat ka litro sang dugo ang nadula sa iya kag nagnubo ang iya blood pressure sa 60/40.
Ginsiling sini nga malapit na lang siya dal-on sa operating room, ubos na ang iya pwersa, apang sulit-sulit lang ang iya pagpangamuyo kag daw kaangay nga isa ka milagro sang madinalag-on na nga na-reposition sang isa sa tatlo ka doctor ang iya uterus.
“Sinabihan na lang ako ng Doula ko na anytime I would have to go to the operating room for surgery. That time sabi ko na lang sa sarili ko na I can’t do anything anymore. Ubos na ubos na lakas ko. I started praying Hail Mary, paulit-ulit kahit wala na akong lakas. And miraculously, after their last attempt, one of the OB GYN succeeded in repositioning my uterus. AMEN!” kasugpon sang post.
Tuman ang pagpasalamat sini sa medical staff, iya pamilya kag bana nga nagtatap sa iya kadungan sang pagbun-ag sa iya baby girl sa Canada.
“Recovering now. Ang swerte kong kasama ko ang pamilya ko dito sa Canada,” pagpasalamat sang aktres. “To My Maria, everything is worth it! I love you, anak.”
2023 sang nagpakasal sanday Maja kag Rambo kag sang nagligad lamang nga Hunyo 1 sang gin-anunsyo ang iya pagbun-ag sa iya anak.#
