Lauman ang daku nga rollback sa presyo sang diesel kag kerosene sa una nga semana sang Disyembre.
Suno sa Department of Energy Oil Industry Management Bureau, sandig sa apat ka adlaw nga trade monitoring sang Means of Platts Singapore, yari ang posible pagnubo sa presyo:
Gasoline – P0.30 / liter
Diesel – P3.00 / liter
Kerosene – P3.00 / liter
Ini nga big-time rollback ang ginaangot sa forecasted oversupply sang produktong petrolyo sa global market nga mahimo makalab-ot sa duha ka milyon nga barrels sang oil production kada adlaw sa masunod nga tuig.
Lakip man sa nakonsiderar nga rason amo ang posible nga peace deal sa tunga sang Russia kag Ukraine nga amo ang mahimo makabawi sang Western sanctions sa Russian oil. Apang minimal lamang ang epekto sini bangud wala pa na-materialize ang amo nga negosasyon.
Gina-anunsyo sang oil companies ang pinal nga price adjustment sa kada Lunes kag ginapatuman naman epektibo sa kada Martes sang aga.
