Ginpakamalaot sang Makabayan Bloc ang pag-anunsyo ni Vice President Sara Duterte sang plano sini nga magpadalagan sa pagka-Presidente sang Pilipinas sa tuig 2028.
Gintawag man sang mga ini nga distraction ukon pagpatalang sang atensyon kag isa ka calculated ukon planado nga tikang antes ang impeachment proceedings sini batok sa iya.
Dugang pa sang grupo nga imbes nga mag-anunsyo ini nga magpadalagan ini bilang Presidente sa 2028, dapat anay sabton sang Bise presidente ang mga kwestyon kaangot sa isyu sa confidential funds nga ginhaboy batok sa iya.
Samtang, suno naman kanday Gabriela party-list Rep. Sarah Elago kag Kabataan party-list Rep. Renee Co, nagapati ang mga ini nga gusto lamang maliko sang Bise Presidente ang atensyon sang publiko halin sa impeachment complaint nga ginpasaka batok sa iya.
Suno pa kay Elago, makatilingala nga naga-target si Duterte sang pinakamataas nga posisyon sa pungsod samtang nagalala naman ang mga isyu sa korapsyon batok sa iya sang ini pa ang sa Office of the President kag sa Department of Education.
Nagakabalaka ang mga mamalidha sang Gabriela nga suno pa sa grupo magalala lamang ang korupsyon sa pungsod kun ini ang magadaog bilang Presidente.
Suno namay kay Co, desperate attempt ini ni Duterte agud i-divert ang attention palayo sa matuod nga isyu, nga amo ang questionable nga paggamit sang confidential funds.
