Ginpanginwala sang MAKABAYAN coalition nga may yara na sila sang gin-endorso nga presidential aspirant para sa 2022 elections.
Ang amo nga coalition ang nagauyat sang anum ka party-list seats sa Kamara.
Suno sa Makabayan, nagatutok sila subong agud matingob ang democratic forces batok sa kay Presidente Rodrigo Duterte kag sa presidential aspirant nga si Ferdinand “Bongbong” R. Marcos, Jr.
Ginpanginwala sini ang reports nga gin-endorso na sang ila nga grupo si Manila Mayor Isko Moreno ukon si Senator Manny Pacquiao.
Gin-athag man sang coalition nga wala nila gin-endorso ang opposition leader nga si Vice President Leni Robredo bangud may mga long-term issues pa nga dapat hitsuhon sa kampo.
Suno kay Bayan Muna chairperson Neri Colmenares kag sa Makabayan coalition, wala sila nahatagan sang oportunidad nga makaistorya kay Robredo apisar nga luyag sang grupo nga mangin isa ang ila anti-Duterte kag anti-Marcos nga panindugan.
Matandaan nga sang gin-release ni Robredo ang iya 11 ka Senatorial pick, wala diri ang pangalan ni Colmenares.
