DUMANGAS, ILOILO – Dakop sa drug buy bust operation ang duha ka mga persona sa Barangay Pagdugue, Dumangas, Iloilo.
Ang mga subject sang operasyon amo sanday Olga Delgado, 39 anyos, residente sang Brgy, Tabuc Suba, Barotac Nuevo kag Rosite Besite, 44 anyos sang Brgy. Tiwi sa nasambit man nga banwa.
Sa interview sang Bombo Radyo kay Police Major Jonathan Pinuela, team leader sang Provincial Drug Enforcement Unit (PDEU) team 2, iya ginpahayag nga santu sa panaysayon ni Delgado, nagapangaluyag si Besite sa iya rason nga updanay sila nga duha.
Apang sa pahayag naman ni Besite, magnobyahanay na sila ni Delgado.
Narekober ang pito tanan ka mga sachet sang suspected shabu balor P35,000 lakip na ang P100 nga buy bust money.
Suno kay Pinuela, bag-o lang nakaguwa sa New Bilibid Prison sa Muntinlupa si Delgado may kaangtanan man sa iligal nga droga.
Nahibaluan nga sa Negros Occidental pa nagahalin ang shabu nga ginakuhaan sang duha ka mga nagkaladakpan.
