Pito sa pulo ka mga pamilya sa Pilipinas ang nakabaton sang cash aid gikan sa gobyerno subong nga mga Coronavirus Disease 2019 pandemic santu sa resulta sang survey sang Social Weather Stations (SWS).
Sa 1,249 adults nga gin survey sang Setyembre 17 tubtob 20, 71 percent ang nagsiling nga ang ila pamilya ang nakakuha sang cash subsidy.
Sa mga nagsiling nga nakabaton sila sang cash aid, 67 percent diri ang nagpahayag nga nakakuha sila sang cash subsidy isa ka bes samtang 29 percent naman ang nakakuha sang duha ka beses.
Ang nabilin nga 2 percent ang nakabaton tatlo ka beses, 1 percent ang nakabaton sang 4 ka beses kag 0.21 percent ang nakakuha sang cash aid lima ka beses.
Balor P7, 531 ang average nga nabaton sang mga beneficiaries. Ini ang may P943 nga mas maatas sa average total nga P6, 588.17 cash aid nga nabaton sang mga pamilya sang Hulyo 2020.
Suno kay Presidential Spokesman Atty. Harry Roque, ang survey ang nagapamatuod nga nabatyagan sang madamo nga mga Pilipino ang bulig sang gobyerno.
