ILOILO CITY – “Dream come true” para sa Pinay nga nakasulod ini sa X-Factor United Kingdom.
Sa exclusive interview sang Bombo Radyo Iloilo, ginpahayag ni Elysa Villareal nga karon nakabase na sa Sydney, Australia, tubtob subong iya pa nabatyagan ang nerbyos sang mag-audition ini kag maatubang ang mga judges ilabi na si Simon Cowell.
Big deal para kay Villareal ang pagpasakop sa X Factor UK bangud isa ini ka international competition.
Ginpahayag ni Villareal nga dako ang ginsakripisyo sang iya pamilya para lang makakadto sa Gran Britanya rason nga iya na lang gin-enjoy ang tinion.
Gin-amba ni Villareal ang “Sax” ni Fleur East kag wala sini ginalauman nga makakuha sang apat ka “Yes” sa mga judges.
Ang handum lang ni Elysa nga makasulod sa Top 12 finalists kag ang magdaog sa kompetisyon ang bonus na lang.
Ang abilidad nga mag-rap, magsaot kag magkanta sang upbat songs ang ginakabig ni Villareal nga iya edge sa iban pa nga contestants.
Si Villareal ang sadto nagpasakop naman sa X Factor Australia kag The Voice Australia.