LAPUZ, ILOILO CITY – Ginpa-Bombo sang mga residente sang Barangay Jalandoni Estate La Paz, Iloilo City ang yab-ok halin sa ginakay-o nga dalan nga wala natapos nga gintunaan sang pagmasakit sang mga ini.
Nahibaluan nga ang kontraktor sang proyekto amo ang F. Gurrea Construction Inc.
Sa interview sang Bombo Radyo kay Lily Husada, residente sang nasambit nga barangay, iya ginpahayag nga ang wala natapos-tapos nga dalan ang nagtuga sang dako nga huol sa mga residente.
Sa matuod suno kay Husada, tuman man ka apektado ang mga negosyante sang carinderia kag restaurant nga kinahanglan pa nga magputos sang pagkaon sa plastic agud indi masudlan sang yab-ok.
Ginpahayag sang natungdan nga mapaangid na ang yab-ok sa desyerte bangud sa kadamulon sini.
Sa subong, wala pa sang pahayag ang construction company natuhoy sa reklamo sang mga residente.
Bukas naman ang Bombo Radyo para sa sabat sang F. Gurrea Construction Inc.
