Gin-athag sang Malacañang nga wala sang kanselasyon sang klase subong nga adlaw sang Lunes, Oktubre 5 kaangot sa pagselebrar sang National Teachers’ Day.
Suno sa Presidential Communications Office ukon PCO, wala sang ginpaguwa nga direktiba nahanungod sa kanselasyon.
Nagpaandam man ini batok sa mga nagapalapta sang mga peke nga graphics online.
Base sa ginpaguwa nga pagsulundan sang Official Gazette, wala sang ginpirmahan nga proklamasyon si President Ferdinand Marcos Jr. para sa nationwide suspension sang klase subong nga Oktubre 5.
Apisar sini, may ara naman sang mga probinsya nga nagpatuman sang suspensyon sang face-to-face classes bilang kabahin sang pagselebrar sang National Teachers’ Day.
Sa idalom sang Republic Act No. 10743, gindeklara nga National Teachers’ Day ang Oktubre 5 kada tuig bilang pagkilala sa importante nga papel sang mga manunudlo sa paghulma sang pungsod.
Samtang, ginakonsiderar ini nga special working holiday nga magapabilin ini nga ordinary nga adlaw sang trabaho.
