Gindepensahan sang Malacañang ang desisyon sang gobyerno nga pahanugutan ang third telco player nga DITO Telecommunity Corp. nga magbutang sang ila pasilidad sa sulod sang military camps.
Pila sa mga grupo kag mamalidha ang nagpabutyag sang pagkabalaka nga mahimo mangin bentaha ini sa China agud nga mag-spy sa Pilipinas pinaagi sa DITO nga ginapanag-iyahan sang China Telecommunications Corporation nga gina-kontrol sang Chinese government.
Suno kay Presidential Spokesman Atty Harry Roque, indi lang man ang third telco provider ang makagamit sang telecoms tower bangud mahimo man ini nga rentahan sang duha pa ka mga telecommunication providers para sa ila kaugalingon nga mga cell sites.
Ginpasalig man mismo sang Department of National Defense nga wala sang mangin security breach sa pagpapatukod sang tower.
