Ginhangkat sang Malacañang ang mga indibidwal nga nagapalapta sang fake news angut sa litrato nga ginpost ni First Lady Liza Marcos sa iya social media agud magproduce sang pamatuod nga gin-edit ang nasambit nga litrato.
Suno kay Palace Press Officer USec. Suno kay Claire Castro nga wala sang may nahibaluan ang mga nagapakalain sa iya sa nasambit nga sinapol.
Nagsabat si Castro nga ano pa ang mapaabot sa mga tawo nga wala sang nahibaluan kundi magpalapta sang fake news.
Kun madumduman, nagpost sang litrato si First Lady Liza-Marcos sa iya Facebook page sa diin ginpahayag sini nga regular meeting ini sang Asian Cultural Council nga ginhiwat sa Pangarap Clubhouse sa Malacañang Park kahapon sang aga.
Bangud sini, naglapta sa social media ang litrato kag ginpahayag nga gin-photoshop ukon gin-edit ang litrato.
Sa pihak nga bahin, una nga ginpanginwala sang Palasyo nga ginbalabagan sang mga otoridad sang Amerika si First Lady Liza Marcos.
Nagkadto sa working visit ang First Lady sa America sa diin nagtambong ini sa Meeting of the Minds sa Manila International Film Festival.
