Ginpakilala na sang Malacañang ang mga opisyal sang gobyerno nga amo ang magapanguna sa pagpatuman sang test, trace kag treat strategy sa pungsod.
Ini ang may katuyuan nga mapabilin nga “under control” ang Coronavirus Disease 2019 (COVID-19) outbreak.
Suno kay Presidential Spokesperson Atty. Harry Roque, pagatawgon ang grupo nga “Philippine anti-COVID czars” nga ginalakipan nanday National Task Force Against COVID-19 deputy chief implementer Vince Dizon bilang chief testing czar, Baguio City Mayor Benjamin Magalong bilang chief tracing czar, Public Works and Highways Secretary Mark Villar bilang chief isolation czar kag Health Undersecretary Leopoldo Vega bilang chief treatment czar.
Dugang pa sang natungdan, ang istratehiya nga himuon sang gobyerno amo ang pagpasangkad sang targeted testing, mas madamo nga isolation centers kag mas maid-id nga tracing kag treatment para sa mga nagamasakit.
Ang Philippine anti-COVID czars amo ang sa idalom sang National Task Foce nga ginapangunahan ni Chief Implementer Secretary Carlito Galvez.
