Hugot nga ginpanginwala sang Malacañang ang mga huring-huring nga may colon cancer si President Ferdinand Marcos Jr., matapos ang iya sakit nga diverticulitis.
Ini ang kasunod sang pahayag ni anay presidential spokesperson Harry Roque nga nagagamit si Marcos sang colostomy bag tungod sa colon-related surgery.
Ginpanginwala sang palasyo ang pahayag kag gintawag nga ‘peke’ ang laragway nga ginpakigbahin ni Roque sa iya social media.
Ginhinyo ni Communications Undersecretary Claire Castro ang publiko nga indi magpati ukon magpalapnag sang fake news, bangud posible ini makaguba sa Presidente kag sa ekonomiya sang Pilipinas.
Ginpanginwala man sang Malacañang ang pahayag ni Bise Presidente Sara Duterte nga target sang administrasyon ang iban nga senador, kag ginakabig ini nga isa man ka sala nga istorya.
Suno kay Castro, indi ini ang una nga kahigayunan nga nagpalapta si Duterte sang sala nga impormasyon parte sa gobyerno.
