Nagapanawagan ang Malacañang sa publiko sang “pag-intindi kag pagsalig” sa gobyerno.
Ini sa tunga sang ginapatigayon nga mga tikang para buligan ang sektor sang transportasyon bangud sang nagapanglakaak nga presyo sang gatong.
Kasunod man ini sang nationwide nga transport strike sang Pagkakaisa ng mga Samahan ng Tsuper at Opereytor Nationwide (PISTON) bangud sa padayon nga pagsaka sang presyo sang gatong.
Suno kay Palace Press Officer Claire Castro, importante ang pagbinuligay kag kooperasyon sa sini nga tyempo agud matagaan sang nagakaigo nga solusyon ang epekto sang krisis sa Middle East nga nagakaapekto man sa presyo sang produktong petrolyo.
Dugang sini, ginatinguhaan sang gobyerno ang paghatag man sang patas nga bulig para sa mga drivers kag amo man sa commuter paagi sa pinansyal nga bulig kag fuel subsidy.
