Gina-kwestyon sang Malacañang kun sa diin parte nga istorya dapat mangayo sang pasaylo si President Ferdinand “Bongbong” Marcos Jr. apisar nga ini ang una nga nagbuyagyag nga nadakpan na si former Rep. Zaldy Co sa Czech Republic kag sang ulihi nakumpirma nga wala naman sa amo nga pungsod.
Sa latest press briefing ni Palace Press Officer ni Atty. Claire Castro, ginpanindugan sini gihapon nga wala sang sala ang anunsyo sang presidente.
May mga kritisismo nga madamo ang naglaum nga madala-pauli na si Co, apang sang ginkadtuan na didto sang Deparment of Justice (DOJ) sa Prague, wala na sa hurisdiksyon sang Czech authorities ang anay kongresista.
Sabat naman ni Castro, wala man ini gintulugan sang presidente kag ginhimo man sini ang tanan.
“Saan po sya dapat mag-apologize? Lahat naman po tayo ay umasa. Lahat naman po ng dapat gawin ay ginawa ng Pangulo at ng administrasyon. Ang kanyang inireport ay tama. So wala po tayong nakikita na masasabing pagkakamali ng Pangulo dahil hindi po ito tinulugan ng Pangulo,” suno kay Castro.
Gin-insister man ni Castro nga wala nagpabaya ang Marcos administration — apang natabuan lang suno sa iya nga may kaugalingon man nga layi nga ginasunod ang amo nga European country.
“Unang-una po, hindi po isinawalang-bahala ng pamahalaan. Noong malaman natin, nang malaman ng Pangulo at ng gobyerno na nasa kustodiya ng Czech authorities si Zaldy Co, agad pong pinaalam ito sa inyo. Alam po at agad pong nagtrabaho at pinapunta ang ating mga high-level officials doon,” suno kay Castro.
“Nagkataon lamang po na mayroong batas na sinusunod din po ang Czech Republic dahil wala pong nalabag na batas si Zaldy Co sa Czech Republic. Ang tangi lamang pong nag-issue kung bakit siya po ay na-hold at siya po ay nailagay sa kustodiya ng Czech Republic ay dahil sa invalid documentation,” dugang niya.
Sa latest nga impormasyon nga nakalab-ot sa Department of Foreign Affairs (DFA) suno kay Castro, didto na ang anay kongresista sa France kag nagapangayo sang political asylum.
Subong nga adlaw, natalana nga sapulon ni Marcos ang mga ambassador sang France kag Czech Republic agud istoryahan ini sang dugang.#
