ILOILO – Nagpangayo sang pag-intyindi ang Malacañang sa mga Ilonggo sa kapaslawan ni Presidente Rodrigo Duterte nga makatambong sa Dinagyang Festival 2018.
Sa press conference sa Iloilo City, ginpahayag ni Presidential spokesman Harry Roque nga kinahanglan magpahuway sang presidente bangud kapoy ini sa pagtambong sa ASEAN-India commemorative summit.
Suno kay Roque, dugay na nga yara sa schedule sa Presidente ang pagtambong sa Dinagyang Festival kag luyag sini magpakigbahin sa selebrasyon.
Apang indi mabalibaran ni Presidente Duterte ang hingyo sang ambassador sang India nga magtambong ini sa pagtililipon subong nga tuig bangud sang nagligad nga ASEAN-India summit, wala man makatambong ang lider sang Pilipinas.