Gin-athag ni Presidential Communications Office (PCO) Undersecretary kag Malacañang Press Officer Atty. Claire Castro nga wala sang anuman nga plano si President Ferdinand Marcos Jr. nga panason ang EDSA People Power sa maragtas sang Pilipinas.
Suno kay Castro, prerogative sang presidente ang pagdeklarar sang Pebrero 25 bilang isa ka special working day kag wala ini nagakahulugan nga pagpa-untat sang anuman nga pagdumdom sang maragtason nga hitabo.
“Ang deklarasyon ay hindi pumipigil sa publiko na makiisa sa mga aktibidad na may kinalaman sa EDSA People Power.”
Ginpahayag ni Castro nga wala nagmando si Marcos sang suspension sa anuman nga commemoration, nga mahimo hangpon bilang pagtuyo nga panason ang EDSA People Power, bagay nga imposible nga matabo.
“Paano mo mabubura ang history? History is history. Hindi kakayanin na ang Presidente ay mabura ito sa history.”
Ang pahayag nga ini ang kasunod sang mga wala tuo nga pagpakamalaot sa administrasyon kaangot sa desisyon sini nga himuon nga regular nga opisina ang anibersaryo sang EDSA People Power subong nga tuig.
