Ginpakigbahin sang Malacañang nga mabakod sa gihapon ang relasyon sang Pilipinas kag China matapos ang pagbayluhanay sang duha ka pungsod sang nagkalain-lain nga komento sa nangin kontrobersyal nga pahayag ni Chinese Ambassador Jing Quan nga wala sang bato ang Pilipinas sa pwersa sang China may kaangtanan sa West Philippine Sea.
Kasunod ini sang statement sang Chinese embassy Manila nga yara subong sa “extremely sensitive stage” ang relasyon sang duwa ka pungsod.
Suno naman kay Palace Press Officer Atty. Claire Castro, indi luyag ni President Ferdinand Marcos Jr. nga indi na mangin maayo ang pagpakig-angot sang gobyerno sa China bangud lang sa mga statements sang Chinese envoy.
Madumduman nga nagpahayag na man ang Chinese embassy nga bukas sila sa diskusyon ni President Marcos kay Quan agud maayo nga maistoryahan ang mga tikang agud malikawan nga mabutang sa “dangerous zone” ang relasyon sang duha ka pungsod.
