Ginpabutyag sang Malacañang ang pagsuporta sa hingyo sang Department of Public Works and Highways (DPWH) nga mabalik ang P45 billion nga nabuhin sa ila budget para sa fiscal year 2026.
Suno kay Palace Press Officer Undersecretary Atty. Claire Castro, nahibaluan ni President Ferdinand “Bongbong” Marcos Jr. ang apelar ni Public Works Secretary Vince Dizon nga mabawi ang pondo agud mapatuman ang mga proyekto sa imprastruktura.
Ginklaro ni Dizon nga wala ginhingyo sang DPWH nga ibalik ang mga proyekto nga ginkakas sa proposed budget, kundi ang pondo lamang nga nabuhin bangud sa pagnubo sang Construction Materials Price Data (CMPD), nga nagtuga sang mas manubo nga gasto sa mga meteryales.
Ini ang ginpahayag antes ang bicameral conference committee kasunod sang hingyo sang DPWH nga mabalik ang pondo nga nabuhin sa ila proposed budget.
Nauna na nga nabuhin sang Senado ang DPWH 2026 budget halin sa P624.48 billion sa bersyon sang House of Representatives padulong sa P570.48 billion.
(DPWHHH)
Gin-ako man ni Dizon nga nadula ang salig sang publiko sa DPWH bangud sa mga anomalya sa pila ka mga flood control projects nga nagtuga sang kritisismo sa ahensya.
