Indi luyag ni President Ferdinand Marcos Jr. nga maglab-ot sa P60 ang baylo sang isa ka US dollar.

Ginpahayag ini ni Palace Press Officer Claire Castro sang ginpamangkot kun ano ang mahimo magtulod sa Bangko Sentral ng Pilipinas nga magpatunga na samtang nagaluya ang balor sang piso kontra sa dolyar.

Enero 21 sang nagkitaay sanday Marcos kag BSP Governor Eli Remolona Jr. sa Malacañang agud nga diskusyunan ang policy action sang bangko central agud nga mabuhinan ang interest rates.

Suno kay Castro, pananglitan maglapaw sa P60 threshold ang kampyo sang piso kontra dolyar, mahimo ini magresulta sa pagtimbuok sang utang sang Pilipinas.

“Kapag tumaas po kasi ng 60 pesos, bumaba iyong value ng peso definitely mag-i-increase iyong debt natin because iyong palitan po ay tataas po iyon,” suno sa iya.

Ginsulit man sini nga indi lang Pilipinas ang naga-eksperyensya sang pagluya sang balor sang currency kundi mangin ang iban nga mga pungsod sa Asya bangud sa nanuhay-tuhay nga global factors.

“Sa usapin ng pamilihang pinansiyal, ang paghina ng piso ay dulot ng kakulangan sa balanse ng kalakalan at pananalapi. Hindi lamang ito nararanasan ng Pilipinas sapagkat maging ang ibang bansa sa Asia ay may katulad na kalagayan – nakakaranas din ng paghina ng kanilang mga pera noong 2025,” suno sa iya.

“Ipinakikita rin nito ang pangkalahatang pag-igting ng US dollar at ang inaasahang pagkaantala sa pagbaba ng interest rates ng US Federal Reserve. So, mas nakatuon po ang BSP sa pagpigil sa labis na paggalaw ng halaga ng piso kaysa sa pagtatakda ng tiyak na antas ng palitan,” dugang sini.

Sa pihak sini suno sa Palace official, kontrolado ang headline inflation sang Pilipinas kag ginalauman nga sulod gihapon sa target range sang gobyerno sa 2026 kag 2027.

Matandaan nga sa pagtakop sang trading sang Enero 15, nagdangat sa P59.46 ang baylo sang isa ka US dollar nga lapaw pa sa nauna nga historic low nga P59.44 nga na-rekord sang Enero 14.#

RELATED ARTICLESMORE FROM AUTHOR