Ginpahayag ni Presidential Communications Office (PCO) Undersecretary kag Palace Press Officer nga si Atty. Claire Castro nga wala lang na intsindihan ni Vice President Sara Duterte ang komento ni President Ferdinand Marcos nga “threat at the highest level” sa national security sang Pilipinas ang isyu nga ginhaboy batok sa pamilya Duterte.
“Meron bang sinabi ang Presidente na hindi pwedeng makipagnegosyo ang Pilipinas sa China? parang wala, so another fake news,” komento ni Castro sa ginhiwat nga press briefing kaupod ang Malacañang Press Corps (MPC), subong nga adlaw, Oktubre 13.
Suno kay Castro, wala ginpahayag sang presidente nga bawal makipag-negosyo ang mga Filipino kaupod ang China bangud nagapabilin nga maayo ang trade relations sang duwa ka pungsod.
Dugang pa niya, ang alegasyon nga pakikipagnegosasyon sang mga Duterte sa China agud nga mapondohan ang pagpamulitika sang bise presidente amo ang ginapunto ni Marcos.
Madumduman nga ginpahayag ni Duterte nga makaalarma sa mga Filipino businesses nga naga-import ukon export gikan sa China ang nangin pahyag sang presidente.
Matandaan nga gintawag man ni VP Sara nga kaangay nga “troublemaker of Southeast Asia” ang Pilipinas.
Text by: Bombo Kenea Dellaba
