CALIFORNIA – Malaka lamang naga-ulan sa California rason nga masami nga nagaluntad ang wildfire.
Suno kay Bombo International Correspondent Nano Canonicato, isa ka nurse sa Loma Linda, San Bernardino County, sa 10 niya ka tuig nga pag-istar sa California, makapila na ka bes nga may nagluntad nga wildfire.
Ginpahayag ni Canonicato nga ang kabukiran sa California ang kasubong sang disyerto sa rason nga malaka lamang nagatupa ang ulan kag may yara gid sang fire season sa nasambit nga lugar.
Sa tion sang aga suno kay Canonicato, makita kag mahaklo ang aso gikan sa nagakasunog nga kabukiran samtang sa tion sang gab-i, makita naman ang naga-ibwal nga kalayo.
Lubos nga nagakaapektuhan suno sa natungdan amo ang mga may yara sang balati-an bangud nga mabudlay para sa ila ang paghaklo sang aso tuga sang wildfire.
