Gin-anunsyo sang foreign ministry sang Russia nga gin-ban sini ang pagsulod sa ila pungsod sang 92 U.S. citizens lakip ang journalists, lawyers, kag heads sang ila ginpahayag nga key military-industrial firms bangud sa gin-alegar nga Russophobic stance sang Estados Unidos sang Amerika.
Suno sa Moscow, nagahampang sang kalayo ang West paagi sa pagkonsiderar nga tugutan ang Ukraine nga mag-atake sa Russia gamit ang Western missiles.
Lakip sa ginlista sang Russian foreign ministry amo ang 14 Wall Street Journal employees, lima ka senior journalists halin sa New York Times kag apat halin sa Washington Post.
Ginrason sang ministry nga gina-target sini ang editorial staff kag reporters halin sa “leading liberal-globalist publications” nga involved sa pag-produce kag pagpalapta sang peke nga mga impormasyon kaangot sa Russian armed forces.
Ginsaad man nga ang ban amo ang sabat sa “Russophobic course” sang Biden administrasyon nga parte sang sweeping sanctions sang US batok sa Russian politicians, business figures, scientists kag journalists.
Lakip man sa nalista amo ang pila ka state prosecutors, employees sang U.S. defence industry firms kag university professors.
