Nagdangat sa malapit 200,000 ka mga residente sa western Japan ang ginpang-evacuate sa tunga man sang pamahog sang landslides kag pagbaha tuga sang tropical storm Kong-rey ukon Bagyo Leon.
Suno kay Bombo Josel Palma, international correspondent sa Japan, nagpagwa ang local government sang Matsuyama City sang highest-level warning sa 10 ka mga distrito agud mag-evacuate.
Apisar indi man magdatory ang evacuation order, apang ginapanugyanan na ang mga residente nga magsunod agud makalikaw sa anuman nga kalamidad.
Bangud man sa bagyo, naapektuhan ang transportasyon nga nagresulta man sa temporary nga suspension sang Shinkansen bullet trains sa Tokyo kag southern Fukuoka.
Samtang, ginatudlo naman sang mga scientists sa climate change nga tuga sang mga tawo ang malala nga epekto sang bagyo.
