ILOILO CITY – Nagdangat na sa malapit 88, 000 ka mga driver sang jeep sa bilog nga pungsod ang nakabaton na sang fuel subsidies kadungan sang nagataas nga presyo sang petrolyong produkto.
Suno kay Cecilia Borromeo, president and CEO sang LandBank, nagdangat na sa 87,500 ka mga driver sang jeep ang nakabaton sang ayuda.
As of March 17, nagdangat na sa P569M ang napanaog na sa mga drivers nga amo ang cardholders sang Pantawid Pasada program.
Dugang pa ni Borromeo, masobra 377,000 ka mga drivers sang public utility vehicles (PUV) ang mahimo nga makabaton sang ayuda nga P6,500.
Magluwas sa mga jeepney drivers, suno sa Landbank, ang mga drivers sang UV express units, minibuses, buses, shuttle services, taxis, tricycles kag iban pa nga full-time ride-hailing kag delivery services sa bilog nga pungsod ang makabaton man sang ayuda.
