Dakop ang duha ka mga indibidwal sa ginkasa nga drug buy-bust operation sang Regional Police Drug Enforcement Unit (RPDEU) sa Brgy. San Isidro, Jaro, Iloilo City.
Ang mga subject amo sanday Ace Abaldo, 41-anyos, residente sang Brgy. San Isidro, Jaro, kag Jomaric Bachoco, 41-anyos sang Brgy. Jalandoni, Jaro, Iloilo City.
Sa interview sang Bombo Radyo kay Police Captain Glenn Soliman, head sang Regional Police Drug Enforcement Unit, iya ginpahayag nga nakuha sa duha ka mga durugista ang indi magnubo sa 265 grams sang suspected shabu nga nagabalor sang P1,802,000.
Suno kay Soliman, pamilyar na sa barbero sang barber shop ang mga suspek, apang wala sini mahibalo-an nga sa amo nga lugar sila nagapatigayon sang transaksyon.
Ginpahayag man sini nga medyo nakompyansa ang mga suspek nga magpatigayon sang transaksyon sa lugar, kon sa diin, naglab-ot pa sa ikatatlo ka beses nga nabaklan sang intelligence operative ang mga subject.
Nagpasalig naman ang natungdan sang maid-id nga imbestigasyon sa lugar agud nga matumod kon may mga parokyano pagid nga kaupod ang mga suspek.
