𝙄𝙡𝙤𝙞𝙡𝙤 𝘾𝙞𝙩𝙮 — Isa ka daku nga bulig para sa nutrisyon sang kabataan ang ginpatigayon sang Bombo Radyo Philippines Foundation, Inc. paagi sa pagdonar sang malapit ₱2 million para sa feeding program sang Iloilo City Nutrition Center.
Ang Deed of Donation ginpirmahan ni Chairman Rogelio Florete Jr. kag Trustee Enrico Jacomille sang Bombo Radyo Philippines Foundation, Inc. kaupod sanday City Health Officer Dr. Mary Ann Poli-Diaz kag Vice Mayor Jeffrey Ganzon.
Ini nga donasyon magaserbi nga pundo para mapadayon ang programa nga naga-serbi sang masustansya nga pagkaon sa mga kabataan. Ginpahayag sang mga opisyales nga ang insakto nga nutrisyon may daku nga papel sa cognitive development kag long-term academic success sang kabataan.
Ang pundo igadiretso sa Iloilo City Nutrition Center nga amo ang naga-implementar sang feeding program sa syudad.
Text by: Bombo Ronhel P. Brabanzo
