Nagdangat na sa 115,986 ka mga kaso sang dengue ang na rekord sang Department of Health sa pungsod humalin sang pag-umpisa sang tuig 2019.
Base sa datos sang Department of Health, 491 na ang na rekord sang ahensya nga napatay bangud sa dengue hemorrhagic fever sa pungsod.
Ang probinsya sang Iloilo sa Western Visayas ang may pinakamadamo nga kaso sang dengue sa diin nadeklara na ang state of calamity.
Suno kay Department of Health Spokesman Undersecretary Eric Domingo, balor P9 million nga bulong kag equipment ang ginpadala sa Iloilo agud matapna ang kaso sang dengue.
Dugang pa sang natungdan, ang mga testing kits sa mga malapit nga rehiyon nga wala na gawa ginagamit bangud sa magamay nga kaso sang dengue, ang ginpadala man sa Iloilo.
Nahibaluan nga gindeklara man sang ahensya ang national dengue alert matapos makit-an ang pagtimbuok sang kaso sang dengue sa bug-os nga Pilipinas.
