Ginhiwat ini sa Pototan, Iloilo nga kilala bilang “rice granary of Panay.”
Ini ang una nga rollout sang programa sa rehiyon kag ika-anom na sa bug-os nga Pilipinas.
Ang Agrisenso ukon Strategic and Enhanced Delivery of Support and Opportunities isa ka komprehensibo nga financing initiative nga nakabase sa value chain nga ginpatigayon sang Land Bank of the Philippines kaupod ang Department of Agriculture, Department of Agrarian Reform, Agricultural Credit Policy Council, kag pila ka mga pribado nga sektor.
Sa interview sang Bombo Radyo kay Agriculture Undersecretary Asis Perez, iya ginpahayag nga ang programa nagatuyo nga maghatag sang mas masangkad kag mas madinalag-on nga access sa pondo, insurance, kag teknikal nga bulig para sa mga mangunguma, manugpangisda, kag agri-enterprises sa rehiyon.
Sa subong nga tuig, target sang programa ang 10,000 ka mga benepisyaryo, kag subong, halos 7,000 na ang nakabaton sang bulig halin sa programa.
May yara ini sang fixed interest rate nga 4% para sa mga magagmay nga mga mangunguma, manugpangisda, kag mga mga benepisyaryo sang agrarian reform.
Ginahatagan man sang interest rate ang mga asosasyon, MSMEs, mga daku nga negosyo, anchor firms, kag mga nagtapos sa agrikultura nga gusto magnegosyo.
