Dakop sa buybust operation ang isa ka High-Value Individual (HVI) sa Brgy. Poblacion South, Oton, Iloilo, pasado alas 12:50 sang udto, Hulyo 18, 2025.
Ginkilala ang subject kay alyas “Juriel”, 30-anyos, may ka live-in partner kag residente sang nasambit nga barangay.
Sa ginpatigayon nga operasyon, narecover sa iya posesyon ang isa ka sachet nga buy-bust item, walo ka daku nga heat-sealed sachets sang suspected shabu, kag pila ka mga indi droga nga items.
Ginabulubanta may kabug-aton nga MOL 125 gramos ang nakuha nga suspected shabu nga nagakantidad sang P850,000 base sa standard drug price nga P6,800 kada gramo.
Sa subong, gin ipadalum ini sa medical examination kag booking procedures antes pasakaan sang kaso sa paglapas sa Republic Act 9165 ukon Comprehensive Dangerous Drugs Act 2002.
By: Bombo Krylle Melliza
