Dakop ang duha ka indibidwal sa ginpatigayon nga buy bust operation sang Iloilo City Police Station (ICPS) 6 sa Zone 10, Brgy. Calaparan, Arevalo, Iloilo City.
Ang subject amo kanday Alyas Pong Chow High-Value Individual (HVI), 35-anyos, kag residente sang Land Heights Subd. Brgy. Guzman Jecena, Manduriao , Iloilo City kag anay priso sa kapareho nga kaso nga magbayular sa RA 9165, tuig 2016 sang ICPS 5, kag, Alyas Boy, Street-Level Individual (SLI), 39-anyos 15, kag residente sang Brgy. Fuentez, Banate, Iloilo apang temporaryo nga nagatinir sa Delgado st. Iloilo City.
Sa interview sang Bombo Radyo kay PCapt. Benjie Dicen, Officer-In-Charge sang ICPS 6, iya ginpahayag nga naglab-ot sa duha ka semana ang close monitoring.
Base naman sa imbestigasyon, nagakuha ini sila sang ila supply sa Metro Manila, samtang sa syudad kag pila ka kabanwahanan naga-operate.
Natigayon nga makumpiskar ang 65 ka gramo sang ginapasuni illegal nga droga nga may standard drug price nga P442, 000.
