ILOILO CITY – Lauman ang malawig nga power interruption sa syudad kag probinsya sang Iloilo buwas nga adlaw, Nobyembre 9 tubtub Nobyembre 10.
Santo sa abiso sang National Grid Corporation of the Philippines, wala sang kuryente buwas nga adlaw sa Sta.Barbara, Cabatuan, San Miguel, Oton kag Tigbauan substations, umpisa 7:00 sa aga tubtub 5:00 sa hapon.
Ini bangud nga may yara sang patigayunon nga maintenance activities sa Sta.Barbara-Tigbauan 69KV line.
Sa Nobyembre 10, ang apektado amo ang mga lugar nga sakop sang Panay Electric Company kag sang ILECO I ilabi na sa Pavia Substation.
Wala sang kuryente umpisa 4:00 sa kaagahon tubtub 10:00 sa aga bangud nga may yara sang maintenance activities sa 100MVA Power Transformer sa Iloilo Substation.
