ILOILO CITY- Nagluntad ang unscheduled power interruption sa Iloilo Province kag may yara man sang emergency shutdown sa Iloilo City.
Sa interview sang Bombo Radyo kay Michelle Visera, Corporate Communications Officer sang National Grid Corporation of the Philippines (NGCP),iya ginpahayag nga ang kabangdanan sang power interruption amo ang pag-trip off sang power transformer sa Sta. Barbara substation.
Naapektuhan ang power supply sa Iloilo Electric Cooperative (ILECO)-1 partikular ang Bolong, Cabatuan, San Miguel, Oton, Tigbauan, San Joaquin, Guimbal kag Miag-ao Substations.
Sa Iloilo City, naapektuhan ang Lapaz Feeder 1, 2 3 kag 6, Portion sang Jaro Feeder 1 kag Portion sang City Proper Feeder 2.
Ginaamat-amat man ang pagbalik sang power supply sa apektado nga areas.
