KUALA LUMPUR, MALAYSIA– Nagapabilin ang mga border restrictions sa bahin sang Malaysia, apisar nga yara na sa recovering phase bangud sa coronavirus disease 2019 ang nasambit nga pungsod.
Sa report ni Bombo International Correspondent Richell Hermosura Jacosalem direkta sa Kuala Lumpur, Malaysia, iya ginpahayag nga indi pa sila mahimo makapadulong sa iban pa nga lugar sa amo nga pungsod, bangud sa border restrictions.
Suno kay Hermosura, madasig ang recovering state sang Malaysia, bangud kun may yara sang positibo sa isa ka lugar, gilayun ginabulong ang pasyente, gina-isolate ang tanan nga naga-estar sa area kag ginapaidalom sa COVID-19 test.
Sa bahin naman sang mga establisimento suno kay Hermosura, bukas na ang mga malls, sa diin ginapatay lang ang aircon, kag ginadumilian sa gihapon ang pagbukas sang mga bars lakip na ang dine-in sa mga restaurants.
Kun klase naman ang pagahambalan suno sa iya, sa sini nga school year online ang klase sang mga kabataan tubtob sa mga university students.
Dugang pa sang natungdan, sa subong, wala pa nagabatun sang turista ang Malaysia kag wala pa sang flights ang mga airlines
