ILOILO – Ang pagpakighilawas sang lalaki sa kasubong nga lalaki ang nagapanguna nga rason kun nga-a nagataas ang numero sang Human Immunodeficiency Virus kag Acquired Immunodeficiency Syndrome (HIV-AIDS) sa probinsya sang Iloilo.
Sa interview sang Bombo Radyo kay Dr. Patricia Grace Trabado, pinuno sang Provincial Health Office, iya ginpahayag nga humalin sang 1984, ang male having sex with male ang nagapanguna sa listahan kun nga-a nagalapta ang nasambit nga balati-an.
Suno kay Trabado, kun basehan ang record humalin sang Enero tubtub Hunyo subong nga tuig, naglab-ot sa 102 ang kaso sang HIV-AIDS sa probinsya sang Iloilo.
Ginpahayag ni Trabado nga sa 102 ka kaso, 60 diri ang tuga sang male having sex with male, 27 ang male having sex with male and female, 13 ang male having sex with female, 1 ang unknown kag 1 ang mother to child transmission.
Kalabanan sa mga biktima suno sa natungdan amo ang mga pamatan-on kag agud nga malikawan ang HIV-AIDS, todo ang kampanya sang Provincial Health Office sang ABCD campaign nga nagakahulugan sang:
A is for Abstinence
B is for Be Honest
C is for Condom kag
D is for Discourage use of drugs and other substances
